ئاتۇش ئانارى

تۇرغۇن راخمان (كەمتەر)

تاشلىق زىمىن يۇرتۇمنىڭ ، شۇنچە ساپتۇر ھاۋاسى ،
ئىشچان خەلقىم ئەجرىدە ، زەپ ئوخشايدۇ  ئانارى ،
كەلسە مېھمان يۇرتۇمغا ، ئاۋال ئانار سورىشار ،
قاچان يەيمىز ئانار دەپ ، ئۈزۈلمەيدۇ سۆزلىرى .

پىشىپ قالسا ئانارلار ، يۈرۈكىڭگە تېگىدۇ ،
يىگۈلىرىڭ كېلىشىپ ، شۆلگەيلىرىڭ ئاقىدۇ ،
مېھرى ئىسسىق بولغاچقا ، ئولاش چولاش يىيىشىپ ،
ئۇسسۇزلۇقنى قاندۇرۇپ ، ئارام-بەخش ئېتىدۇ .

مەي باغلىسا ئانارلار ، ئۈزۈپ قويما شېخىدىن ،
خۇشال كۈلۈپ بالىلار ، ئۈزۈپ باقسۇن بېغىدىن ،
ئانار شەربەت سۈيىنى ، كىلۇر ھەممە ئىچكۈسى ،
ھوزۇرلىنىپ ئىچكەندە ، رەھمەت ئېيتار دىلىدىن .

تېزرەك پىشسۇن ئانارلار ، سېغىندىغۇ بالىلار ،
تېتىپ بېقىپ تەمىنى ، خوشال كۈلسۇن بالىلار ،
ئىشتىھادا زوقلىنپ ، يېيىشكەندە ئانارنى ،
خۇرسەن بولۇپ باغۋەننىڭ،تەر-ئەجرىنى ماختىشار .

سىقىپ ئىچسەڭ ئانارنى ، شېرىن لەززەت تېتىيدۇ ،
ھوزۇرلانسا مېھمانلار ، ئاتۇش خەلقى كۈلىدۇ ،
ئانار پىشقان چاغلاردا ، كېلىڭ دوستۇم ئاتۇشقا ،
ئىشچان ئاتۇش خەلقىمىز ، ئانار ئۈزۈپ بېرىدۇ .
،
يۇرتىمىزنىڭ ئانارى ، مىۋېلەرنىڭ سەردارى ،
تېتىپ باقساڭ ناۋادا ، بوپقالىسەن خۇمارى ،
شۇنچە شېرىن ھەم تاتلىق ، ئېغىز تېگىڭ ئانارغا
پەخىرلىنىپ ئەجرىدىن،ئاشقۇسى كۈچ مادارى.

ئاتۇش خەلقى مېھمان - دوست ، چوڭ - كىچىكلەر بىلىدۇ ،
كۈز بولغاندا بىر كېلىڭ ، كاتتا مېھمان قىلىدۇ.
يۈرەكلەرگە قان بولۇر ، ئانار يېسەڭ ئاتۇشتا ،
قەلبى چوغدەك خەلقىمىز ، سىزنى دوستى بىلىدۇ!

مۇھەررىرى:مۇھەممەدتوختى سەببەت