كۇپايە
فەرۇق ئۇدۇنى
ئۇيقۇدىن ئاراملىق تېپىلارمۇ ھېچ،
ئەلەمسىز بىر يۈرەك بولسا كۇپايە.
بۇ ئەنسىز يۈرەكلەر سوقۇشارمۇ تېنچ،
مەڭگۈلۈك بىر ئۈچەك بولسا كۇپايە...
نامراتلىق كېرەكمۇ مىسكىنلىك ئۈچۈن،
روھلاردا سەرسانلىق بولسا كۇپايە.
ئۆلۈك تەن كېرەكمۇ كېپەنلىك ئۈچۈن،
دىللاردا ۋەيرانلىق بولسا كۇپايە.
پىغانچۈن كۆز يېشى كېرەكمۇ زىنھار،
قەلبنى ئېقىتقان سەللەر كۇپايە.
ئازابتا ئۆلۈشچۈن كېرەكمۇ يىللار،
نەشتەردەك سانجىلغان دەملەر كۇپايە.
سۆزدىلا ئاشكارە بولغايمۇ مەقسەت،
سۈكۈتتە چاقنىغان كۆزلەر كۇپايە.
كۆز سۆزى ئاڭلاشقا قۇلاقمۇ ھاجەت،
قەلبتىن قەلبكە ئۆزلەر كۇپايە...
2016.9.27
73 قېتىم كۆرۈلدى | فەرۇق ئۇدۇنى | ئەسەر يوللىغۇچى : | |
2016-10-10 0:23:47 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|