ماڭا پۇل كېرەك
مۇختار ئابلىز (كۈنەس ئارالتۆپە)

ماڭا پۇل كېرەك نۇرغۇنلىغان ،
بولسا ماڭا .
فىرئەۋىننىڭ قەبرىسىنى كۆرسۈتۈپ قويۇڭلار ،
مەيلى ئۇ تەسەۋۇردىن يىراق بولسىمۇ.
سۇلايماننىڭ خەزىنىسى ياكى ،
«قارامەرۋايىت» چۆككەن جاي بولسىمۇ.
«ئۇلارغا »يېتەرمۇ؟
مەن ئاچكۆز ئەمەس!
پەقەت يۈرەكتىكىلىرىمنى قايتىدىن.
يۈرەككە سولىۋالاي خالاس!
ئۇلار ۋىجدان ئەلگىكىدىن تاسقىلىپ.
پۇل ئۈچۈن ئەلگەك تۆشۈكلىرىگە ،
ئۆزىنى ئاتتى.....
ئۇلارنى توسماق بولۇپ تۆشۈكلەرگە مېھرىمنى ،
كەپشەرلەپ قويدۇم.
خەتەرلىك دېگەن تاختىلارنى ئاسساممۇ ،
تىزىغا يۈكلەنسەممۇ.
ئۇلارنىڭ تەبىئيىتى مېنى ،
بەرىبىر يەكسان قىلدى .
ماڭا پۇل كېرەك !
ئۇلارنىڭ بۇرۇنقى ئاقكۆڭۈللىكىنى ،
سېتىۋالاي !
زەيپانىلىك قاپلىغان تېنىنى،
قايتىدىن ھېلىقى دەريا بويىدا .
بىر-بىرىمىزنى لاي بىلەن يۇيغاندەك،
زەم زەم بىلەن يۇيۋالاي.
ماڭا پۇل كېرەك ،
ئۇلارنى ئۆتمۈشكە ئېلىپ كەتكۈدەك.....