بۇ ھايات

ئايشەمگۈل ئ‍ەخەت

ئەجەل پەيتى كەلسە كىتەرمىز ھامان ،

 ئۆتكۈنچى بۇ دۇنيادا ھەممىمىز مىھمان .

قونالغۇدۇر تۆت كۈنلۈك ئالەم بىزلەرگە ،

 ئ‍ۈلۈم شەربەت تېتىشقا كۈتەرمىز پەرمان .

 بۇ ھايات بەكمۇ قىسقا چەكلىك مۇساپە ،

 تۇرمۇش غېمى ھەممىنى قىلار سەرسانە .

 بۇ دۇنيالىق پۈتۈلگەن رىزىق نىسىۋە ،

 ئ‍اقىۋەت ئېپ كىتەلمەي كىتەر يىگانە .

 پەلەك چاقى توختىماي تۇرار ئايلىنىپ ،

ۋاقىت ھايات ئوغرىسى توزار كۈل قىلىپ .

 كائ‍ىناتتا ئ‍ېچىلماس سىرلارغا قاراپ ،

 تەپەككۇر جەۋھىرىدىن ئىلھاملار تېشىپ .

 باقىۋەندە بولمىغان ئ‍ەزەلدىن دۇنيا ،

نادانلىقتا بىلمىسەڭ تارىختىن سورا .

نى ئ‍الەمنى سورىغان خانلىقنى زىمىن ،

ئ‍ىسمى يەر يەپ كەتتى قالمىدى ئ‍ىزنا .

 كىبىرلىكنى ئۆزەڭگە ھەمراھ قىلمىغىن،

 ئ‍ەل يۇرتۇڭغا مىھرىڭنى بېرىپ ياشىغىن .

 پىراقىڭدا ئ‍وت كەبى يانمىسۇن ئ‍اشىق ،

 چىن ئ‍ەقىدە سۆيگۈنى خارۇ-زار ئ‍ەتمىگىن .

 سورىغى بار جاھاننىڭ ھىساپ يىغىدۇ ،

 كۈلگەنلەر كۈلىۋەرمەس يىغا كىلىدۇ .

 مۇھتاجلىقتىن سىقىلىپ بويۇن قىسقاننىڭ ،

 سەۋەبىنى سەۋىر بىلەن قوشۇپ بېرىدۇ .

 2016-1-28