كۆرمىدىم
يۈسۈپجان ئۆمەر
شانۇ-شەۋكەت تەختىمدىن بىشارەتنى كۆرمىدىم،
كۈتتۈم ئۇزاق، بەختىمدىن ئىشارەتنى كۆرمىدىم·
ئىزىپ يۈردۈم گاھىدا بىلىپ-بىلمەي يولۇمدىن،
توغرا يولغا قايتىشقا دالالەتنى كۆرمىدىم·
ئوت ئىچرە بەرگەنمىش خەلۇللاغا گۈلزارنى،
يار ئوتىدا كۆيۈپمۇ ھارارەتنى كۆرمىدىم·
باھار ئەگىپ كېتەلمەس قەلب تولسا سۆيگۈگە،
مۇھەببەتتىن زىيادە تىلاۋەتنى كۆرمىدىم·
ئۆزۈم چۈشۈپ پەگاھقا سۇنغاندا ھەر تۆرىمنى،
مالامەتتىن ئۆزگە بىر ئىنايەتنى كۆرمىدىم·
ھەر ماڭدامدا تېڭىرقاپ ئۆتتى ئۆمۈر بىھۇدە،
بۇ دۇنيادا ئۆزۈمدەك ھاماقەتنى كۆرمىدىم·
2016.11.4 قەشقەر
121 قېتىم كۆرۈلدى | xohyigit | ئەسەر يوللىغۇچى : | |
2016-11-4 23:46:51 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|