ئۆمۈر

 ھېلىم سەلەي  

  ئۈتىدۇ ئۆمۈرلەر يىل ئاينى قوغلاپ،
ياشايمىز دەۋىردە تاسقىلىپ تاسقاپ.
 گاھىدا ئامەت ماڭا يۈزلەنسە  ،
 ئۆتىدۇ تۇرمايلا باشقىغا ئاتلاپ.

 ئۆمۈرنىڭ يوللىرى ئەگرى توقايلىق،
  كەلمەيدۇ ئامەتلەر ئاسان ئوڭايلا.
 تۇرمۇشنىڭ تەمىنى تېتىپ ياشايلى،
 بولىمز بىر چاغدا بىزمۇ بوۋايلار .
        
 ئۆتكۈزمە ئۆمۈرنى ئىڭەك سېلاشتا،
 پۇشايمان قىلساڭمۇ كەلمەيدۇ يېنىپ.
 خىسلىتىڭ بولمىسا خامىليون كەبى ،
  خەلقممۇ قوللايدۇ كەتمەيدۇ چېنىپ.