باق

ئاپتۇرى:مىھىرنىسا قۇربان

ئاشىق بولۇپ يۈرەكتىن ،
بىرنى دىلدىن سۆيۈپ باق ·
بېرىپ ئ‍اڭا مېھرىڭنى،
گۈلخان بولۇپ كۆيۈپ باق·

مۇھەببەتنىڭ پەيزىنى،
ئاشىقلاردىن سوراپ   باق·
گۈل ئ‍ۆستۈرۈپ ۋاپادىن
ھىدلىرىنى پۇراپ باق·

مۇھەببەتنىڭ بېغىغا،
سۆيگۈ ئ‍ۇرقى چېچىپ باق·
بۇلىقىدىن ۋاپانىڭ
قېنىپ-قېنىپ ئىچىپ باق·

ۋاپادارلىق بېغىڭدا ،
بۇلبۇل كەبى سايراپ  باق ·
خوشال دەملەر كەلگەندە،
يۈرىكىڭدىن يايراپ باق·

ھاياتىڭدا  بىر ئۆمۇر ،
شۇنداق ياشاپ ئۆتۈپ باق ·
بولۇپ دائىم ئېنتىزار ،
يار ۋەسلىنى كۈتۈپ  باق ·

يىتىپ يارنىڭ  ۋەسلىگە ،
ۋىسال كۈيى چىلىپ باق ·
مۇھەببەت ئ‍ۇ بىر ناخشا،
مەڭگۈلۈككە ئېيتىپ باق ·

2016-7-14