ئالدىرماڭ

ياسىنجان  *  ئاچىل *  2016.9.15

غەزەل

پۇلۇم  يوق  دەپ  زارلىماڭ  پۇل  تاپىسىز ئالدىرماڭ ،
تەمە  قىلىپ  بوستانغا  چۆل  تاپىسىز  ئالدىرماڭ .

سىزدە   بولسا   پاك  قەلىب   ئەخلاققا  جان  بەرسىڭىز  ،
ئاخىرەتتە   بەزىدىن  ساپ  بۇلىسىز  ئالدىرماڭ.

باي  بولغاندا   غېرىپنى  يۈلىسىڭىز  سۆيسىڭىز ،
باقىدا ھەم  راھمانغا  سۈيىلىسىز  ئالدىرماڭ.

مېھىرىڭىزنى  يۈرەكتىن   ئاۋامغا  يەتكۈزسىڭىز ،
ھۆرمىتىدە  تۇلپارنىڭ   كۆپ  چاپىسىز  ئالدىرماڭ .

كىبىرلىككە  يۈزلىنىپ  دوست  كۆڭلىنى  ئەزسىڭىز،
بۇ  جاھاندا   بارچىدىن  ئايرىلىسىز  ئالدىرماڭ .

ياخشى  كۈرۈپ   كەيىپنى    ھۇزۇرغا  ھەم  چۆمسىڭىز ،
ئەلنىڭ  يامان  سۆزىدىن جان  بېرىسىز  ئالدىرماڭ .  

  ياقا سىقىپ  پۇلنى  دەپ قېرىنداشتىن ياتلاشسىڭىز ،
ھەسرەت  چۆلىدە  پىيادە  قېپ  قالىسىز  ئالدىرماڭ .

خۇتۇن  بالا  ئۆيدە  قالسا   سىز  قاۋاقتا  يۈرسىڭىز  ،
تەنھالىقنىڭ  دەردىدە  ساز  چالىسىز  ئالدىرماڭ  .

ئەل     يۇرت ئۈچۈن     جاپانى  كۆپ  قېتىملاپ  چەكسىڭىز ،
ئەل  كۆڭلىدە  ئەزىز بۇلۇپ  ئېچىلىسىز   ئالدىرماڭ .