شۇ يۈرەكتە ھەممە گۇناھ
~~~نۇربىيە سىدىق (پەرىشتە) قەلىمىدىن
ئەسلىسەم مەن ئەينى چاغدا قارغۇ ئىكەن ئۇنىڭ كۆزى ،
غەيرى تۇيغۇ چىرماپ ئالغاچ ،ئىسمىڭ دائىم ئۇنىڭ سۆزى .
شۇندىن بىرى شادلىق نۇرى پارلاتمىدى ئۇنىڭ يۈزى ،
تۇمان ئىچرە يۈتتى ئاخىر ، خىيال ھەمراھ كەچ كۈندۈزى ،
ئەقىل ئاقساپ قالغان چاغدا، شۇ يۈرەكتە ھەممە گۇناھ !
زىمىستان قىش بوپ تۇيۇلدى شۇندىن بىرى ئاڭا باھار ،
ھىدلىرىڭنى ئىلىپ كەلدى ،شەيتان ئىلىپ قاچقان شامال .
كىچىك بولغاچ ھىچ جۈرئەت يوق قىلاي دىسەكۆڭۈل ئىزھار ،
ئۇنتاي دەپمۇ كۆپ تىرىشتى ،ئۇنتالمىدى يەنە زىنھار،
تۇيغۇ توختاپ قالغان چاغدا، شۇ يۈرەكتە ھەممە گۇناھ !
ئۇنۇت دىسەم ئازاپ ئىچىرە ئۇردى ئۆزىن يىغلاپ ھەريان،
سۆيەي دەپمۇ سۆيەلمەيدۇ رىئاللىقمۇ ئاڭا ئايان،
يۈرىكىمگە ئىچىم ئاغرىپ تارتتىم يىللاپ كۆپ دەرت پىغان ،
بۇ دەرتلەرنى كىمگە ئېيتاي ، كىممۇ ئاڭلار قىلسام بايان،
يۈرىكىملا ماڭا سىرداش ، بولسىمۇ گەر ئۇندا گۇناھ !
جاھىل يۈرەك ئىشىك ئاچماي تۇرىۋالدى مەرد-مەردانە ،
چىقىشلار يوق كىرىشلەردىن يوقتۇر ئەسلا نام -نىشانە ،
نە ئۈچۈن دەپ سورىسام مەن تاپالمايدۇ گەپ-باھانە ،
شۇ يۈرەكنىڭ غەلۋىسىدىن قالدىم مەنمۇ يەك -يىگانە،
ئۆچى بارمۇ يا بىلمىدىم ، مەندىمۇ يا ھەممە گۇناھ !
ئەمدى ھەممە تارىخ بۇلۇپ قالدى پەقەتلا ئەسلىمە ،
يىتەر ئەمدى ،بولدى قىلغىن ، ھەرگىز مىنى سەن قەسلىمە ،
سۈيۈپ قالماي دەپ قايتىدىن دىلدا تەشۋىش ھەم ۋەھىمە ،
ئاخىرى يوق بۇ تۇيغۇغا يازاي ئەمدى بىر خاتىمە ،
ئازاپلىما يۈرىكىمنى ، بىچارىدە نىمە گۇناھ ؟!!
2016-يىلى 27-ئۆكتەبىر
78 قېتىم كۆرۈلدى | parixtaaa | ئەسەر يوللىغۇچى : | |
2016-11-15 8:54:48 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|