…  يېزام …

كەتكەندە يول ئېلىپ يىراق جايغا،
باقتىم تەلمۈرۈپ شۇ ھىلال ئايغا.
كۆرۈپ دېڭىزدەك كۆك ئاسماننى ،
يېزام كەلدى ئوي خىيالىمغا.

ئوخشاش بولسىمۇ سۆيگۈ دىگەن،
لىكىن ئوخشىماس يۇرت سۆيگۈسى.
بولسا ئەگەر مېھرى مۇھاببەت،
بۇلبۇل كىلىپ خەندان ئۇرغۇسى.

بەرگىن مېھرىڭنى ئانا يۇرتۇم،
سېغىنىپ سىنى كەلدىم يىراقتىن.
تاپاي سەندىن بەخىت شادلىق ،
سۆيۈپ كەلدىم سىنى ئۇزاقتىن.

دالىلار گويا يېشىل پايانداز،
يۇپۇرماقلار يېيىلىپ ياتقان.
مەنزىلىمدۇر ئۇ بەخىت بۆشۈگى،
ھەر كۆڭۈلنىڭ زوقىنى تارتقان.

بېرىپ ئاشۇ گۈزەل يېزامغا،
دەتلىرىمنى تۆكەي دالىغا.
پەرۋاز قىلسۇن ئوي خىيالىم ،
مېھرىم ئاتەش ئانا  ماكانغا .

ئۆتسەم سەن بىلەن تاكى ئەبەدكە،
قوينۇڭغا ئالساڭ مىنى ئەگەردە.
تارتىپ كىتەي چوڭقۇر يىلتىز،
مەن تۇغۇلغان ئۈشبۇ مەھەلدە.

2014.4.20
«چېچەك»