كىملەر
ئابدۇقەيۇمجان ئابدۇسادىرى
قەھرىتان قىشنىڭ جاندىن ئۆتكۈدەك سوغۇقلىرىدا سىز ئىسسىق ئۆيىڭىزدە ھايات پەيزىنى سۈرۈپ ياتقىنىڭىزدا ھايات يوللىرىڭىزنى تازلاۋاتقان كىملەر ؟!
سىز ئىسسىق چاي -تاماقلاربىلەن ھۇزۇرلىنىپ ناشتا قىلۋاتقىنىڭىزدا، جاندىن ئۆتكۈدەك سوغۇق ، شىۋىرغان ، قار ئۇچقۇنلىرىنى ئوزۇق قىلۋاتقان كىملەر ؟!
سىز پۇزۇر كېيىنىپ ،« پادىشاھ قەسىرى » دىكى شۇ ھوزۇرلۇق خىزمىتىڭىزگە ماڭغىنىڭىزدا ،ئاددىيلا رەخىتتىن تىكىلگەن خىزمەت كىيىمى بىلەن، يىرتىلىپ كەتكەن شۇ پەلەيلىرى بىلەن يول ياقىسىدىكى رىشادكىلارنى سۈرتىۋاتقان كىملەر ؟!
سىز يېغىۋاتقان قارلارغا ، يولدىكى قېتىپ مۇزلاپ كەتكەن شۇ سۇلارغا قاراپ زارلىنىپ ھاياتتىن بىزارلىق ئىستىگىنىڭىزدە، ئېرىنمەي شۇ قار - مۇزلارنى تازىلاپ سىزگە تەڭرىگە ئاق يول تىلەپ دۇئا قىلۋاتقان كىملەر؟!
سىز ئېسىل ماشىنىڭىز بىلەن چۈشتە ئىشتىن قايتىۋېتىپ قاچانلاردىدۇر ئىچكەن ئىچىملىك بوتۇلكىسىنى ئىزلەڭگۈلۈك بىلەن دەرېزىدىن يول ئوتتۇرىغا تاشلىغىنىڭىزدا ، شۇنى ئېلىپ ئەخلەت ساندۇقىغا تاشلاۋاتقان كىملەر؟!
سىز ئىشخانىدا ، يۇمشاق ئورۇندۇق ئۈستىدە ئولتۇرۇپ ، ئويۇن ئويناپ بىر ئاينى توشتۇرۇپ نەچچە مىڭلاپ مائاش ئېلىپ ، شۇكۈنى كەچتىلا تۈرلۈك «خانىلەر»دە يەپ ، ئىچىپ ، ئويناپ ھايات پەيزىنى سۈرگىنىڭىزدە ، ئايدا بېرىلىدىغان نەچچە يۈز يۈەن قۇتقۇزۇش پۇلىغا تەلمۈرۈپ ، باشلىقلارنىڭ ئالدىدا غال - غال تىترەپ ، ئايلىق قۇتقۇزۇش پۇلىنىڭ ئاز بىرقىسمىغا ئېرىشىپمۇ ، شۇ باشلىقىغا تۈمەن مىڭ رەھمەتلەرنى ئېيتىپ ، قار ، يامغۇر تەپتىدىن ئۆتمە تۆشۈك بولۇپ كەتكەن كەپىسىگە يۈگۈرۈپ ئاچلىقتىن ئورۇقلاپ كەتكەن بالىلىرىغا نان ئېلىپ بېرىۋاتقان كىملەر؟!
سىز مەھەللە دوقمۇشىغا قويۇلغان ئەخلەت ساندۇقىدىن چىققان سېسىق پۇراقلاردىن يىرگىنىپ ئېغىز - بۇرنىڭىزنى ئېتىپ ماڭغىنىڭىزدا ، شۇ سېسىق پۇراقلارنى يوقۇتۇش ئۈچۈن ھەرىكەت قىلۋاتقان كىملەر ؟!
كېچە سىز ئېسسىق ئۆيىڭىزدە ھوزۇرلىنىپ ئۇخلىغىنىڭىزدا ، كوچا دوقمۇشلىرىدا ، دۇكان -سارايلارنىڭ لەمپىلىرى ئاستىدا غال -غال تىترەۋاتقانلار كىملەر ؟!ئۇلار دەل شۇنداق ئىشلارنى قىلىپمۇ بىزنىڭ يىرگىنىش ئوبىيكېتىمىزغا ئايلىنىپ قالغان تازىلىق ئىشچىلىرى!؟
ئۆزىمىزنى ئۇلاردىن ئېلىپ قاچىدىغان ، «تازىلىق ئىشچىسى » دېگەن خىسلەتلىك نامنى يېرگىنىش ئىلكىدە تىلغا ئالىدىغانلار كىملەر؟!
شۇ سىز ، مەن ۋە ئۇنىڭدىن ئىبارەت « بىلىم قۇللىرى » !!!
2016-؟يىلى 12- ئاينىڭ 27- كۈنى ، ئۈرۈمچى
319 قېتىم كۆرۈلدى | AHTAR | ئەسەر يوللىغۇچى : | |
2016-12-28 17:16:31 | :يوللانغان ۋاقتى |
2017-1-3 3:02:18 | ئەسما ئابدۇكېرىم |
بۇ نەسر ئاددىي ئەمما تولىمۇ مەنىلىك سۆز-ئىبارىلەر بىلەن بەك ياخشى يېزىلىپتۇ.ھەقىقەتەنمۇ نەسردە سۆزلەنگەن شۇ ئېسىل كىشىلىرىمىزنىڭ تۆلىگىنى نېمىدېگەن زور بەدەل ھە!؟بىراق بىزچۇ؟ شۇلار پاكىزلاپ بەرگەن مۇھىتنى قانچىلىك ئاسرىيالىدۇق،ئۇلارنىڭ ئۇلۇغلىقىنى قانچىمىز ھېس قىلالىدۇق؟ |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|