بېغىشلاش

قارا ھىجران يازمىسى

 قىسمەتكە باي ئالەم قوينىدا،

 يىغلاپ قالار بەزىدە ئىنسان.

 غەمكىنلىكنى شاتلىققا ئۇلاپ،

 ياشاش ئۈچۈن تىرمىشار ھەر جان.

يىغلىساڭ گەر باغرىمغا ياش تۆك،

 يۈرىكىمگە يامغۇرۇڭ ياغسۇن.

 مىھرىم بىلەن سۆيۈپ قۇرۇتاي،

بەختىم سىنىڭ مىھرىڭگە قانسۇن.

 كۈلسەڭ جانىم يېنىڭدا مەن بار،

 لىۋىڭدىكى پايانسىز مىھرىم.

 سىنىڭ ئۈچۈن بارلىقىم پىدا،

تۇراي مەڭگۈ قولۇڭدا جېنىم.