تىلەكسىز يۈرەكلەر توڭلىغان شۇ كۈن

يۈسۈپجان سايرامى    ( زىنھار  )

قارايسەن پەرىشان سۇلغۇن چېھرىڭدە ،
چىن-مېھىر ھارارەت قونماس دىلىڭگە.
ئۇنتۇيسەن بارچىنى تۇرماس تىلىڭدە  ،
تىلەكسىز يۈرەكلەر توڭلىغان شۇ كۈن  .

تۇيۇقسىز قالىسەن يالغۇز ھېس قىلىپ ،
بىر دۇنيا ، بىر ئۆزۈڭ قالغاندەك بىلىپ .
ئازۇلىرىڭ قالمايدۇ ئۈمۈدسىز قېلىپ  ،
تىلەكسىز يۈرەكلەر توڭلىغان شۇ كۈن  .

توۋا مەن نىمە بولدۇم دەپلا قالىسەن ،
كاچاتلاپ ئۆزۈڭنى يىغلاپ سالىسەن  .
يۈرەكلەر قىينىلىپ نالە قىلىسەن  ،
تىلەكسىز يۈرەكلەر توڭلىغان شۇ كۈن .

ھەيرانمۇ قالىسەن ئەتراپقا قاراپ  ،
ناتۇنۇش خۇددى تۇنۇش كوچىمۇ.
مۇزلايدۇ قۇياش تەپتىدىن ھەتتا بەدەنمۇ،
تىلەكسىز يۈرەكلەر توڭلىغان شۇ كۈن.

ساراڭدەك ھېس قىلسەن خۇددى ئۆزىڭىنى ،
پىچاقتا تىلغاندەك قەلىب كۆزىڭىنى  .
ھەممىسى ئىشەنچسىز كۆرىسەن ساختىنى ،
تىلەكسىز يۈرەكلەر توڭلىغان شۇ كۈن.

2016-يىل 12-ئاينىڭ 5-كۈنى   كېچە
##ئاپتۇر ئەمگىكىگە ھۆرمەت قىلىڭ ##