كېچە ۋە چۈش
ئەمەرجان ماخسۇت شاھتۈرك
كىمنىڭدۇر ئۇنتۇلغان ئۇزۇن چۈشىدەك،
ئۇنتۇلۇپ كېتشنى ئويلاپ باقىسەن.
سېغىنغان ئۇيقۇڭ ئۇ كەتكەن بىرياققا،
تىكىلىپ تۇرۇسقا ئوڭدا ياتىسەن.
شۇنچىلىك يىراقتەك بىلىنەر ھەممە،
ۋەبەلكىم ھەممىسى كەتكەندۇ ئۇزاپ.
ئەسلىمەڭ قوينىغا بارىسەن چۈكۈپ،
قىينايدۇشۇتاپتا ئەڭ شېرىن ئازاب.
دىلىڭدىن ئۇخچۇيدۇ بىر شېرىن ئارزۇ،
كىمنىڭدۇر چۈشىگە بارغۇڭ كېلىدۇ.
كېيىمىڭ ئېچىدىن يالىڭاچ چىقىپ،
يۈرەكنى قوش قوللاپ يارغۇڭ كېلىدۇ.
سۈكۈت ھەم جىمجىتلىق قاپلار ھەرياننى،
بۇكېچە بەك ئۇزۇن ئۆزۈڭگە ئايان.
ماڭماقنى ئويلىدىڭ يېراق ئۇپۇققا،
ۋە بەلكىم كۆز تىكىپ مەنزىلىڭ تامان.
2016/1/5كېچە يۇرتى قاراقاش
113 قېتىم كۆرۈلدى | xahturk666 | ئەسەر يوللىغۇچى : | |
2016-2-4 23:04:03 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|