گۈلۈمگە ئىككى كەلىمە

مۇھەممەتجان ئەخەت(پېقىر)

كۆزلىرىڭ چولپاندىن رەڭ ئالغانمىدۇ،
چىشلىرىڭمۇ يىپقا مارجان تىزغاندەك.
قېشىڭنى ھىلال ئايدىن ئويۇپ ئالغانمۇ ،
گويا غازى ئەمەت شۇنداق سىزغاندەك.

يا جامالىڭ سىزغانغا ئوخشاپ كەتكەندۇ،
ياق سېنىڭ چىشلىرىڭ مارجانمۇ ئەمەس.
بەلكىم بۇ سۆزلۈرۈم كۇپۇر كەتكەندۇ ،
ئەمما شۇ سۆزلىرىم يالغانمۇ ئەمەس .

چاچلىرىىڭ قۇندۇزدىن بويالغان سىياق،
لېۋىڭدىن گىلاسنى ئېسىمگە ئالدىم.
جېنىمغا دار بولدى نامسىز ئىشتياق،
بىلمىدىم بۇ بالاغا مەن نەدە قالدىم.

نازلىرىڭ باھارنىڭ شامىلى گويا،
يەنە بىر كەلسە دەپ كۈتۈپ ياتقۇدەك.
يازغانچە سۆزلىرىم ھېچ تۈگىمەيدۇ يا،
قەلەمنى تۇتقانچە قېتىپ قالغۇدەك .

2016.10.24