ئەيدىز بىلەن يۇقۇملانغان بىر كىشنىڭ تىلىدىن
مۇھەممەد ئەركىن چىن يار

ئاھ ئېغىزدىن چىقسۇن نە سۆزۈم ،
پۇشايماندا ياشلاندى كۆزۈم .
پەرۋايىمسىز ئىشرەتنى سۈرۈپ ،
ئۆز جېنىمغا ئوق ئاتقان ئۆزۈم .

يار بوپتىمەن نىجىس ئەيدىزگە ،
بۇنى كىمدىن كۆرىمەن يەنە .
ھايات شېرىن سۆيسە مەڭزىمنى ،
مەن ھاياتنى خارلىغان بەندە .

مەن كېتەرمەن ئاچچىق ھەسىرەتتە ،
جان ئانامنىڭ باغرى قان لەختە .

ئىبرەت بولسۇن مېنىڭدىن دوستلار ،
ئۇرۇق تۇغقان قولۇم قوشنىلار .
ئەجەل سوراپ كەلگەندە جاننى ،
بىلىنمەكتە يورۇق بىر دۇنيا .