ئاتا - ئانامغا

مۆتىۋەر ئەخمەت

ھاياتىمنىڭ باھارىسەن جان ئانا ،

 باھارىمنىڭ قاناتىسەن جان ئاتا.

 ئەسلەپ دائىم كۈيلەرگە قېتىپ ،

 سېغىنىمەن ھەركۈن ھەر تاڭدا.

ھايات يوللىرى ئەگرى توقايكەن ،

 يۆلەك بولدۇڭ ماڭا جان ئاتا .

 يىقىلغاندا يۆلەپ تۇرغۇزۇپ،

 مەدەت بەردىڭ ماڭا جان ئانا .

 گەر ئۇچرىسام ھەر مۈشكۈلاتقا ،

تىلەيمەن سىلەردىن ئۆزۈمگە مەدەت .

 پەقەتلا سىلەرنى رازى قىلساملا،

قىلچىلىك بىلىنمەس تاغ كەبى مىڭ دەرت.

 قۇچسام گەر ناۋادا نۇرغۇن شان - شەرەپ ،

 ئالىمەن سىلەرنى شۇئان ئېسىمگە .

 ئاقلايمەن ئەزىزلەر ئۈمۈدىڭلارنى ،

قىلمايمەن خىيانەت ھالال سۈتلەرگە.