دۇستلارغا

(مەۋلىدە ئىسرائىل )

 دۇستلار، قىسمەت بىشڭلاردا ياڭاق چاققاننى مەن كۆرمەي،

 سىلەر چۆللەرگە ئ‍ەسرا بوپ پادا باققاننى مەن كۆرمەي .

كۈلۈپ قەھ-قەھ، ئۇرۇپ خەندە، ئۆتۈڭلار مەڭگۈ ھۆرمەتتە ،

 كۆزۈڭلاردا ھەسرەت دەريا كەبى ئاققاننى مەن كۆرمەي.

ئىرادەڭلار تۇرۇپ غالىب ،يېڭىڭلار كەلسىمۇ مۈشكۈل ،

نادامەتتە ئ‍اھۇ-پىغان چىكىپ ياتقاننى مەن كۆرمەي .

سىلەر شاد، مەنمۇ شاد ھەردەم،سىلەرگە بولمىغاي ماتەم ،

 باغرىڭلارنى قىلىپ قان-قان، ھازا ئ‍اچقاننى مەن كۆرمەي .

رەقىپلەر خارۇزار بولسۇن، مىڭىشقا يولى تار بولسۇن ،

 يولۇڭلارغا رەقىپ ئ‍ورا قېزىپ قاچقاننى مەن كۆرمەي.

سائادەتيۇ مۇشەققەتتە ساداقەت كاتتا ، مول بولسۇن ،

 ئاراڭلاردا ساداقەتسىز غېرىب چاشقاننى مەن كۆرمەي !