يوقتۇر
غەزەل
ئېلىجان ئابدۇكېرەم (بارچۇق ئوغلى )

يار مېنى يامان دەيدۇ يامانلىق قىلغانلىغىم يوقتۇر،
يار مېنى نادان دەيدۇ نادانلىق، نوخسانلىرىم يوقتۇر.

بىۋاپالىق قىلسىمۇ  سۆيگەن گۈلۈم دەپ ئاسرىدىم ،
سۆيۈشتىن كەچتى  ئۆزى مېنىڭ تانغانلىقىم يوقتۇر   .

چىن مۇھەببەت -سۆيگۈنى يۈرەكتە ھەردەم  ساقلىدىم،
ئازسىمۇ ئۇ ئۆزگىگە  مېنىڭ ئازغانلىقىم يوقتۇر .

"گەز كەلسە   جانان ساڭا  جانلار تەسەددۇقتۇر " دېدىم ،
ھېچقاچان بۇ لەۋزىدىن تېنىپ - يانغانلىقىم يوقتۇر .

ئىشقىدا  كۆيۈپ يۈرۈپ  يامان بولغانغا مەن ھەيران ،
بارلىغىم ئاتا  قىلدىم ئەسلا  چانغانلىقىم يوقتۇر.

پەرۋاسىز يۈرىۋەردى ئەيىپ ئىزلەپ مېنىڭدىن يار،
بۇ يۈرەك تەشناسىغا زەررە قانغانلىقىم يوقتۇر.

 "يار سېنى سۆيدۈم "دېدىم ، ئەقلى ھوشۇمنى بىلمىدىم،
يەتكىلى يار ۋەسلىدىن بۆلەك ئارمانلىرىم يوقتۇر .

2017.3.15