(ئ‍اپپاق ئ‍انا) سىزگە جەننەت تىلەپ

گۈلنىگار  مەترۇزى

 ئ‍ەسلىدىم بۈگۈن يەنە مەن سىزنى ،

ئ‍ۆيلەردىن ھەم ئ‍ىزدىدىم ئ‍ىزىڭىزنى ،

 كىيىمڭىزنى پۇرىدىم بارمىدۇ دەپ ھىدىڭىزنى،

 ئ‍ەجەپ بىر كەتتىڭىز تاشلاپ نىگارىڭىزنى!

بالا دەپ ئ‍ۆتكۈزدىڭىز ئ‍ۆمرىڭىزنى ،

 بالىڭىز ئ‍ورنىدا باقتىڭىز ھەم نەۋرىڭىزنى،

 كىچىككەنمەن بىلمەپتىمەن ئ‍ەجرىڭىزنى،

 قالدۇرۇپ ئ‍ارماندا كەتتىڭىز نىگارىڭىزنى،

 مېنى دەپ يۈردىڭىز ھەرۋاقىت سىز پالاقلاپ،

 خۇشاللىقىم ئ‍ۈچۈن كۆتىرەلمىسىڭىزمۇ ھاپاشلاپ،

 ئ‍ەخمەقكەن مەن قېچىپتىمەن كۆزىڭىزنى ياشلاپ ،

 رەنجىگەنمىتىڭىز كەتتىڭىزغۇ مېنى تاشلاپ !

 دادام ئ‍وينار قىماردا بىلىپ ئ‍ۇنى ھەسەل ،

 ئ‍ۇنىڭ ئ‍ۈچۈن بىز ئ‍ازاپتا تۆلەيمىز بەدەل ،

ئ‍اچچىقتا ھەم دېگەنتىڭىز ئ‍ۆلسە بوپتىكەن ،

 ئ‍ەمما بىزدە ئ‍امال يوقكەن توشمىسا ئ‍ەجەل !

 سەھەر تۇرۇپ دۇئاغا كۆتىرگەن قولىڭىز ،

 ھەر كۆرگەندە مېنى ئ‍ىزىلگەن يۈرىكىڭىز ،

 چوڭ بوپ كەلدىم ئ‍اقلاپ بۈگۈن ئ‍ۈمىدىڭىز ،

 بىر كۆرۋالاي قېنىپ قايداسىز بىر كەلسىڭىز!

 ئ‍ادەم بولدى ئ‍وغلىڭىزمۇ تارتتى كۆپ كۈلپەت،

 چوڭ بولدى نەۋرىڭىزمۇ قازانماقتا شۆھرەت ،

 باقاي دېدى تاپالمىدى سىزنى ھەرياقتىن ئ‍ىزلەپ ،

يىغلارمەن (ئ‍اپپاق ئ‍انا) سىزگە جەننەت تىلەپ!

 2015-10-28