بالىلار ئۈچۈن قىلىپ ئەقىدە
تۇرغۇن راخمان (كەمتەر)

كېتىدۇ ئىنسان،قالىدۇ ئىزلار،چارچاپ ھارمايمىز،
جاپا-مۇشەققەت چېكىپ قالساقمۇ،مەڭگۈ يانمايمىز،
بۈگۈنىمىزنى دېمىدۇق ئەسلا،ئەتىنى كۆزلەپ،
بالىلار ئۈچۈن قىلىپ ئەقىدە،ئالغا چامدايمىز.

سانىمايمىز كۈن،تەمە ئىلكىدە،تىلەپ ھالاۋەت،
ۋۇجۇدىمىزدا پەرزەنتنىڭ ئوتى،بولغاچقا ئەبەد،
رازى بىز پەقەت،يېنىپ شام بولۇپ نۇرلانسا دىلى،
شۇنىڭغا خوش بىز،مۇئەللىم بولغاچ سۆيۈنۈپ ئەبەد.