دوستۇم بول

ئېلىجان ئابدۇكېرەم بارچۇق ئوغلى

دەرتلىرىمگە دەرمان بولالىساڭ دوستۇم بول .
يۈرەكىمدە بىردانە بولالىساڭ دوستۇم بول .
غەيۋەت قىلىپ يۈرمىگىن قاراسۈركەپ يۈزۈمگە ،
ھەم مەردانە لەۋزىڭدە تۇرالىساڭ دوستۇم بول .

ياخشىلىقنى دىلىڭدا ئارزۇ قىلىپ ياشغىن ،
ياخشى ئارزۇ ئارماندا ئۆتەلىسەڭ دوستۇم بول .
قۇسۇر ئىزدەپ يۈرمىگىن دوستلىرىڭنىڭ ئىشدىن ،
دوستلار بىلەن جاپاغا كۆنەلىسەڭ دوستۇم بوپ .

ھايات گاھى رەھىمسىز دەرت ئەلەمدە قىينايدۇ ،
دەرتلىرىڭنى دوستلارغا تۆكەلىسەڭ دوستۇم بول .
كۆڭلۈڭدىكى سىرىڭنى دوستلىرىڭدىن سىر تۇتما ،
ھەممە ئىشتا دوستلارغا كۆيەلىسەڭ دوستۇم بول .

نا ئەھلىنىڭ ئىزىدىن مېڭىپ قالما ئەگىشىپ ،
ھەقنى ھەقدەپ ناھەقنى سۆكەلىسەڭ دوستۇم بول .
نامەرت بولما ئەل ئۈچۈن ئاقسىا ئەگەر تەرلىرىڭ ،
دەرياسىغا ۋىژداننىڭ چۆكەلسەڭ دوستۇم بول .

باقىۋەندە ئەمەستۇر سەن بىزلەرگە بۇ دۇنيا ،
ھايات دېگەن تۆت كۈنلۈك بىلەلىسەڭ دوستۇم بول .
ئۆتەر ئۆمرۈڭ مەنىلىك قەدىرلىسەڭ ھاياتنى ،
ۋەتەن ئۈچۈن جېنىڭنى بېرەلىسەڭ دوستۇم بول .

ئاپتۇر ئەجرىگە ھۆرمەت قىلىڭ 

 ئۈندىدار 2318334127
2016...11...4