قايتا دېدىم دادا دىيىشنى
ئەسقەر قۇربان ئىقبال

تىلىم چىققان كۈنۈمدىن باشلاپ،
مەن ئۆگەندىم دادا دىيىشنى .
ۋىلىق -ۋىلىق تاتلىق كۈلۈشنى ،
يەنە دىسەم ئاز بوپ قالغاندەك ،
كەتكىنىدە دادام يېنىمدىن ،
قايتا دېدىم «دادا»دىيىشنى .

بولمىغاچقا يېنىمدا دادام ،
بىلەلمىدىم نىمە قىلىشنى ،
بىلەلمىدىم قانداق مېڭىشنى ،
ئۆگۈتەركەن ماڭا ئۇستازدەك ،
كەتكىنىدە دادام يېنىمدىن ،
قايتا دېدىم «دادا»دىيىشنى .

كەتكىنىدە كەلمەسكە مەڭگۈ،
مەن ئۈگەندىم يىغلاپ قېلىشنى ،
ھەسرەتلەرگە مۇڭغا پېتىشنى ،
ئۆتتى كۈنۈم سىردىشىم يوقتەك ،
كەتكىنىدە دادام يېنىمدىن ،
قايتا دېدىم «دادا»دىيىشنى .

خاتىرجەم بول مېنىڭدىن دادا،
مەن ئۈگەندىم ئادەم بولۇشنى ،
مۇشكىلاتنى قانداق يېڭىشنى ،
دانا ئىنسان يوقكەن دادامدەك ،
كەتكىنىدە دادام يېنىمدىن ،
قايتا دېدىم «دادا» دىيىشنى .

ئاقسۇ -كەلپىن
2017.2.8