ئانامغا سالام (شېئىر)

 ئابدۇۋەلى ئابدۇغېنى

نازاكەت لەپىلدەر چېھرىدە ئانا ،
مېھىرلىك قولۇڭدا تەۋرەيدۇ ئالەم .
ھاياتتا سىنىڭسىز يوقتۇر ئەمىنلىك ،
ئەجرىڭدىن دىلىمغا تۈرەلگەن غايەم .

سەن بولغاچ قېتىلدىم ئەرلەر سېپىغا،
سەن بولغاچ يوللۇرۇم يۇرىدى سۈزۈك .
ئىناقلىق يولىدا بولىمەن سەركە ،
پەخىرلىك ئوغلۈڭغا ئايلىنىپ تۈزۈك .

ئاق سۈتۈڭ قەلبىمگە مەڭگۈ پاسىبان،
يىتىلەپ قولۇمدىن باشلار ئەل تامان.
قىزغىنىپ تەپتىڭدىن يېلىنجار قۇياش،
روھىڭنى قوغلىشىپ ئايلىنىپ ئاران .

ئاي خىجىل مېھىرلىك ساداقىتىڭدىن،
ئۇدۇمدۇر خىسلىتىڭ مەن ئۈچۈن ئانام .
روھىڭىز يۇلەكتۇر روھىمغا ئەبەت،
سىز ئۈچۈن تىزلىنىپ يوللايمەن سالام .

2017.3.13
كېرىيە توغرىغا باشتېرىم