تۇغۇلدۇم دۇنياغا بىر ئەركەك بولۇپ

يۈسۈپجان سايرامى ( زىنھار  )

تۇغۇلدۇم دۇنياغا بىر ئەركەك بولۇپ ،
مەن ئەمەس ھاياتتا ھەۋەسنىڭ قۇلى  .
يۈرمەيمەن ھەسرەتتە كۈندە ئاھ ئۇرۇپ  ،
قەلبىمدە نۇر چاچار بەخىتنىڭ نۇرى  .

ياشايمەن ھاياتتا ئۈمۈدكە تولۇپ ،
قەددىمنى ھەرچاغ تىك تۇتۇپ ھامان .
ئالدىمنى توسالماس جۇدۇن-چاپقۇنلار ،
قىلمەن بىر كۈنى تاغىنىمۇ يەكسان  .

بىرى كېلىپ دىدى بىچارە ئىنسان ،
كىرەكتۇر ھاياتنىڭ پەيزىنى سۈرۈش.
مەن دىدىم ھەي بىلمەس ئەقىلسىز نادان ،
خار ئىشتۇر ئەركەككە لاغايلاپ يۈرۈش .

ھېرىس ئەمستۇر پۇل-مالغا كۆڭلۈم ،
قەلبىمدە كۆكلەيدۇ ئارزۇ-ئارمانلار  .
ساختىغا ئىشەنمەس ئالدانماس كۆڭلۈم ،
يوقتۇر شۇڭا ھېچقاچان دەرت-ئازابلار  .

ھاياتتا ياشىساممۇ ئاددىي گەرچە ،
ئەخلاقتىن چەتنەپ كەتمىدىم قىلچە .
ۋىجدان ۋە غورورنى گۆھەر دەپ بىلدىم،
يول ماڭسام تۈز ماڭدىم ماڭمىدىم قىرچە.

خارلىما ئەي ئەركەك ھالال جۈپتىڭنى ،
بەختىڭدۇر ئامانەت ئۇ ساڭا بەرگەن  .
يىراق قىل قەلبىڭدىن نىجىس شەيتاننى ،
ئۇ ساڭا تىكەن ئارسىدىن گۈل تەرگەن .

يوقۇتۇپ ئەسلىڭنى غورور ۋىجداننى ،
خار قىلدىڭ سۈت بەرگەن ئاجىز ئاناڭنى.
ئېيتقىنا سەنمۇ بىر ئەركەك بولدۇڭمۇ ،
يەيسەنغۇ بىر كۈنى ھامان جاجاڭنى  .

قىز تۇرۇپ تۇرمۇشتا قاقشاپ باقمىدى ،
يول يۈرسە تۈز مېڭىپ ئاقساپ باقمىدى.
پاك ياشاپ ،پاك ئۈتۈپ شەيتاندىن قېچىپ ،
ئاھ ئۇرۇپ كۆزىنى ياشلاپ باقمىدى  .

ئەقىل تاپ ئەي ئەركەك كۆكلەي دىسەڭ ،
تۆت كۈنلۈك دۇنيا ئىنسانغا بىلسەڭ  .
شۇ چەكلىك ھاياتتا قالدۇرغىن تۆھپە ،
ئەركەك دەپ تۇنىسۇن خەلىقىم دىسەڭ .

2016-يىل 12-ئاينىڭ 26-كۈنى ( كېچە )

##ئاپتۇر ئەمگىكىگە ھۆرمەت قىلىڭ ##