ئايالسىز ئائىلە

يۈسۈپجان سايرامى  ( زىنھار  )

ئايالسىز گۈللىمەس ئائىلە بېغى ،
قۇشلارمۇ سايرىماس مۇڭلۇق تېخى.
ئاياللار ئايالسۇن ئەرلەر ئالدىدا ،
ئايالسىز بەخىتنىڭ يوقتۇر ھۇزۇرى.

ئايالسىز يەرلەرمۇ يەر بولماس تېخى،
ئايالسىز ئەرلەرمۇ ئەر بولماس تېخى .
ئەركەك دەپ توۋلايسەن ئۆزىڭنى لېكىن،
ئايالسىز ئىشلارمۇ تەل بولماس تېخى.

ئايالسىز ئائىلە قەھرى-زىمىستان ،
كەلمەيدۇ نۇرلىنىپ باھارى-گۈلىستان .
قەدىرلە ئايالنى بەرمە ئازارنى ،
ئايالسىز نۇرچاچماس جانۇ-جاھان .

ئايالسىز ئائىلە قاراڭغۇ زۇلمىتىڭ ،
بولمايدۇ سىنىڭمۇ ئەسلا قىممىتىڭ .
بەركەتمۇ يوقتۇر ئايالسىز ئۆيدە ،
بولمايدۇ بۇنچىلىك قەددى-قامىتىڭ .

ئايالسىز قايغۇ-ئەلەم يېنىڭدىن كەتمەس ،
ئۈمۈدنىڭ چىرىقى يېنىپ ھەم ئۆتمەس .
مېھنەتكەش ئاياللار ئامان بولسۇن ،
ئۇ كەتسە خۇشاللىق قايتىدىن كەلمەس.

##ئاپتۇر ئەمگىكىگە ھۆرمەت قىلىڭ ##

2017-يىل 3-مارت  ( ئۈرۈمچى  )