تۈن لىرىكىسى

جىمجىت كىچە ، پىنھان ھوجرىدا ،
كۆزلىرىمدىن   يىراقتۇر  ئۇيقۇ .
خىيالىمنىڭ    ساھىللىرىدا ،
دولقۇنلايدۇ نازۇك بىر تۇيغۇ .

دىرىزىگە تىكىلىپ ئۈنسىز ،
مەۋھۇمدا بىر سىيمانى كۆردۈم .
قەلبىمدىكى تەنھا ئارالدىن ،
نىمىنىدۇر ئىستەيدۇ  كۆڭلۈم .

كۈتتۈم ئۇزاق ساھىل بويىدا ،
كەلمەس لىكىن مەن كۈتكەن كىشى ،
ئىيىتتى ماڭا دولقۇنلاپ دىڭىز ،
ئەي ، ئەخمەق بۇ خىيالنىڭ چۈشى .

كەلدىم چۆچۈپ شۇئان ئۆزۈمگە ،
تاقەتسىزلا ئۆچۈپتۇ چىراق .
قەلبىم بۇندا چۈشتى تەشۋىشكە ،
قىينايدۇ بىر ناتونۇش پىراق .

مۇھەممەتجان تۇردى (ئارسىلانى)
2017-5-15           كىچە !
     

 مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589