ئىنتىلدىم  

يازغۇچى: ئابدۇۋارىس ئوسمان

ياشلىققا قەدەم باسماي تۇرۇپ ،
سۈكۈتتە   سەبىرگە    ئىنتىلدىم .
پۇللارنىڭ  سېھرىنى ياقتۇرۇپ ،
بايلىققا  ئۈنتىنسىز   ئىنتىلدىم .

دادامدىن ھۆنەرنى ئالماي تۇرۇپ ،
ھۆنەرسىز  ياشاشقا  ئىنتىلدىم .
قارئىشتاكۆپ خام-خىيال سۈرۈپ ،
شاھلارچە تۇرمۇشقا ئىنتىلدىم .

كىتاپتىن يىراق-يىراقتا تۇرۇپ ،
ناتىقتەك سۆزلەشكە ئىنتىلدىم .
بىلىمدىن لىباس كەيمەي تۇرۇپ ،
نام-شۆھرەت يۇلىغا ئىنتىلدىم .

جاپانى كۈرەپ باقماي تۇرۇپ ،
تىلكىمگە  يىتىشكە  ئىنتىلدىم .
راھەت تۇرمۇشتا ياشاپ تۇرۇپ ،
راھەتلىك تۇرمۇشقا ئىنتىلدىم .

ۋىژدانسىز ئىشنى بىلىپ تۇرۇپ ،
ھاۋايى - ھەۋەسكە  ئىنتىلدىم .
غەپلەتتە شۇنداق يېتىپ تۇرۇپ ،
غەپلەتسىز كۆرنىشكە ئىنتىلدىم .

بىلىمگە ئۈندەشلەر بار تۇرۇپ ،
غەپلەتلىك ھاياتتا يىتىلدىم .
ھايات مەنىسنى بىلمەي تۇرۇپ ،
سىناقسىز  ھاياتقا  ئىنتىلدىم .

ھالالدا مۇشاققەت كۆپ بولغاچ ،
چاپاسىز  ھارامغا  ئىنتىلدىم .
دوزاققا لايىق ئەيپىم  تۇرۇپ ،
جەننەتتە ياشاشقا ئىنتىلدىم .