ۋىسالنىڭ دەشتىدۇر جەننەت
ئابدۇقېيۇم ئابدۇللا قادىرى
رىۋايەتتە ئاڭلاپتىم سىنىڭ ئىسمىيۇ زاتىڭنى،
بىراق كۆرسەتمىدىڭ دىلبەر زىبا سۆلەت-سىياقىڭنى.
ئەجەپ قىلدىڭ كەبى مەجنۇن ئىشىق دەشتىدە ۋەيرانە،
قىلىپ مەشئەل يۈرەگىمنى كۈتەي پەيلى-قارارىڭنى.
شىۋى قەدرى كىچەسىدە كۆرۈنگەن نۇر-زىيا ئەردىڭ،
ۋېسالىڭنىڭ تاماسىدا ئۆچۈرمەيمەن چىراغىڭنى،
ئىلىپ قەددىم بولۇپتۇر يا سىنىڭ ئىشقى فىراقىڭدا،
قىروۋ چاچتى چېكەمگە ئاق بىرەر كۆرمەي دىدارىڭنى.
دىيانەتتە ئۆلۈپ كەتسەم ۋېسالىڭ دەشتىدۇر جەننەت،
كۆڭۈل ئاستانەمدە ساقلايمەن پەرىشتىدەك سىمايىڭمى.
ئەسىرلەر ئۆتسىمۇ مەيلى پەقىرنى بىر قوبۇل ئەيلە،
بولاي مەھكۈم دوزاققا ھەم سۈرۈپ ۋەسلى-ۋېسالىڭنى.
ياشايدۇ قادىرى سەنچۈن كۈتەرسەنمۇ ئەزىز دىلبەر،
ھالا تاڭلا قىيامەتتە قىلىپ تەقدىم باھارىڭنى.
2016-يىل 18-يانۋار
قىزىلسۇ ئاقتۇ شەرىقى يىكەنكۆل
| 54 قېتىم كۆرۈلدى | kaderi0127 | ئەسەر يوللىغۇچى : | |
| 2017-3-30 0:18:28 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
