ساقچىلار ئۇلۇغ

گۈلنىگار  مەترۇزى (نىگارخان )

جاپالىق ئىشلەيدۇ ئەسلا ۋايسىماس ،
ھەر قانچە ماڭسىمۇ پەقەت چارچىماس ،
خەلق غېمىدە ئۆزىنى ئويلىماس ،
ھەممىدىن يەنىلا ساقچىلار ئۇلۇغ .

چارلايدۇ كېچىنى قاراڭغۇ دېمەي ،
ۋەزىپە  ئالدىدا  تاماقمۇ يىمەي ،
ئەل ئۈچۈن يۈرەر ھەرۋاقىت ئۈندىمەي،
ھەممىدىن يەنىلا ساقچىلار ئۇلۇغ .

يول يولدا چىراق بولۇپ ئۆزى يانار ،
بىز ئۈچۈن قاتناشنى تەرتىپكە سالار ،
ۋەقەگە ھەم يەنە ئالدىدا ماڭار ،
ھەممىدىن يەنىلا ساقچىلار ئۇلۇغ .

ئىزدەيدۇ يۈتتۈرۈپ قويساق بالىمىزنى ،
باشلايدۇ گەر تەمتىرسەك يولىمىزنى ،
سىلايدۇ كۈن چۈشسە ھەم بېشىمىزنى ،
ھەممىدىن يەنىلا ساقچىلار ئۇلۇغ .

جىنايەت شەيتىنى بىزنى ئازدۇرسا ،
ئەل ئۈچۈن بىئەجەل جان پىدا قىلسا ،
ھەق ئۈچۈن ھەر زامان شام بولۇپ يانسا،
ھەممىدىن يەنىلا ساقچىلار ئۇلۇغ .

ئانىسى ئۆي ساقلار ئىگە چاقىسىز ،
ئايالى ئائىلىدە  يالغۇز  ئەرسىز ،
بالىلىرى ھەم چوڭ بولار دادىسىز ،
ھەممىدىن يەنىلا ساقچىلار ئۇلۇغ .

مۇھەببەت دوقمىشى دائىملا قېيداش ،
يا مەشۇقنىڭ بىررەت كۆڭلىنى ئالماس ،
سۆيگۈدىن كەچسىمۇ بۇرۇچ ئۇنتۇلماس ،
ھەممىدىن يەنىلا ساقچىلار ئۇلۇغ .

پولاتتەك قامىتى سوغۇقتىن قوقماس ،
پىژغىرىم  ئاپتاپتا  يولىدىن  يانماس ،
مۇقەددەس فورمىدىن بىرئۆمۈر تانماس ،
ھەممىدىن يەنىلا ساقچىلار ئۇلۇغ .

خەلق ئۈچۈن ئۆتتى قىران ياشلىقى ،
قىلغان  خىزمىتى  ئەلنىڭ  شادلىقى ،
كىرىپلا ئوتتۇزغا كەتتى شاشلىقى ،
ھەممىدىن يەنىلا ساقچىلار ئۇلۇغ .

2016-12-24كۈنى