ياۋا گۈلنى ھىدلىما زىنھار
مەۋلىدە ئىسرائىل
(مەن بۇ يازمامنى سىرىتتىكى ياۋا گۈللەر ئۈچۈن ئائىلىسىنى بۇزماق بولىۋاتقانلارغا بېغىشلايمەن!)
قالدۇرىدۇ شىۋىرغان -جۇتتا،
ياۋا گۈلنى ھىدلىما زىنھار .
كۈل قىلىدۇ كۆيدۈرۈپ ئوتتا،
ياۋا گۈلنى ھىدلىما زىنھار.
گۈل دېگىنىڭ گۈل ئەمەس تىكەن .
تىكەن نەدە ئەسقىتىپتىكەن؟
بارىڭنى يەپ بولىدۇ دۈشمەن،
ياۋا گۈلنى ھىدلىما زىنھار .
ئۇ باھاردا سىزىپ چىقار قىش،
قەستى ئاپئاق قەلبىڭنى يىيىش.
سۇنغانلىرى زەھەرلىك يېمىش،
ياۋا گۈلنى ھىدلىما زىنھار .
ئارتىپ سەھۋەن، قىلار گۇناھكار ،
بولىۋىلىپ ئالدىڭدا بىمار،
ئاڭا ئۆلۈپ بەرسەڭمۇ بىكار ،
ياۋا گۈلنى ھىدلىما زىنھار .
كۆڭلۈڭنى دەپ بولما ئەخمەق -گول،
پېغانلىقتۇر ئۇ باشلىغان يول،
ئۇنتۇش ئۈچۈن دائىم تەييار بول،
ياۋا گۈلنى ھىدلىما زىنھار !
120 قېتىم كۆرۈلدى | مەۋلىدە ئىسرائىل | ئەسەر يوللىغۇچى : | |
2016-2-11 9:28:47 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|