ئىككىمىز
مۇھەممەد ئەركىن چىن يار
كەل نىگارىم بىر يىپقا باغلىنايلى ئىككىمىز ،
گۇۋاھ قىلاي يۇلتۇزنى ئالدىمايلى ئىككىمىز .
چىن ۋاپادىن تاج تاقاپ قىسقىغىنە ئۆمۈرگە ،
ئاداققىچە ئەي يارىم ئايرىلمايلى ئىككىمىز .
سۆيگۈ ئۇلۇغ كۆڭۈلنىڭ بىر نازۇك ئەينىكى ،
دەز يەتمىسۇن ۋاقىتسىز ساقلىنايلى ئىككىمىز .
كۈيلەپ ئۆتسە بۇلبۇللار سۆيگۈمىزنىڭ گۈلىنى ،
قۇۋ دۈشمەننىڭ بېغىدا يايرىمايلى ئىككىمىز .
شاھ مەشرەپ چۆلىدە جۇل جۇل بولسا يېڭىمىز ،
تەڭ تۈرەيلى ۋە لېكىن زارلىمايلى ئىككىمىز .
چىن يار بولدى غەزەلخان مۇھەببەتنىڭ ئىشقىدا ،
بولسا پەرھات شېرىندەك يادلىنايلى ئىككىمىز .
84 قېتىم كۆرۈلدى | مۇھەممەد ئەركىن چىن يار | ئەسەر يوللىغۇچى : | |
2016-10-10 15:57:40 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|