سېغىندىم

ئابدۇۋەلى ئابدۇغېنى

تۈننى يالماپ يالغۇز ئولتۇرۇپ ،
سىنى ئويلاپ چىقتىم تاڭغىچە.
سېغىنىشقا بىرەرمۇ بەرداش ،
ئۇشبۇ يۈرەك ساڭا قانغۇچە .

قامال قىلدىڭ تۇيغۇ،سىزىمنى،
مەنلىكىمنى ئۇنتۇدۇم تۈگەل.
ئىھتىمالىم يازمىدى ھېچكىم ،
يارى ئۈچۈن مىنىڭدەك غەزەل .

ھەممە ئۇخلاپ كەتتى بۇ كېچە ،
جىمجىتلىققا بۇلۇپ ئەسىر ، قۇل .
مەشرەپ روھى كۆچتىمۇ ماڭا،
سىنىڭ تامان ئېلىنماقتا  يول،

سېغىنىشلار ياغماقتا لەپ-لەپ،
دىكابىردا ياققان قار كەبى.
يۈركۈمگە سانچىلدىڭ گۈلۈم ،
خەنجەر بۇلۇپ شۇنچە ئەسەبى.

2017.4.1  كېچە
خۇتەن


ئېيىتقىنا مۇھەببەت زادى سەن نىمە


ئېيىتقىنا  مۇھەببەت زادى سەن نىمە ؟
ئىشرەتخور ئادەمنىڭ ئېلانىمۇسەن.
ۋەياكى نەپ ئۈچۈن ئىپپەتنى ساتقان ،
غۇرۇرسىز ئازغۇننىڭ پىلانىمۇ سەن.

ئېيىتقىنا مۇھەببەت زادى سەن نىمە ؟
قىزلارنىڭ كۆيدۈرگۈ جامالىمۇ سەن،
ۋەياكى يارنى دەپ تاغ-داۋان كەچكەن،
ۋىسالسىز ئاشىقنىڭ زاۋالىمۇ سەن.

ئىيىتقىنا مۇھەببەت زادى سەن نىمە ؟
چاتاقچى جۇۋاننىڭ ئىستىكىمۇ سەن،
ۋەياكى يانالماي ئازاپقا تولغان ،
تۈندىكى چىراقنىڭ پىلىكىمۇ سەن.

ئېيىتقىنا مۇھەببەت زادى سەن نىمە ؟
چىن ئاشىق -مەشۇقنىڭ داۋاسىمۇ سەن .
ۋەياكى ئىشىقنىڭ چۆلىنى كەزگەن ،
مەشرەپنىڭ ئازاپلىق ساماسىمۇ سەن.

ئابدۇرېھىم ھەكىمىنىڭ شۇ ناملىق شېئىرىغا تەخمىس

2017.4.2خۇتەن