چالما تامدا دادام كۆرۈنمەس

ئ‍اپتورى: ئ‍ابدۇۋەلى ئ‍ەزىزى 

ئ‍ايمۇ ئ‍ۆتتى، يىلمۇ ئ‍ۆتتى ،
ھارۋىسىدا دادام كۆرۈنمەس .
ھېيىت كەلدى غېرىپلىق يەتتى ،
چالما تامدا دادام كۆرۈنمەس .

مۇڭ باسقان ئ‍ۆيى قاپتۇ ،
پىشايۋانلار چەلگىسى قاپتۇ،
تامغا ئ‍ىلىكىلك  تۇمىقى قاپتۇ ،
چالما تامدا دادام كۆرۈنمەس .

توپا باسقان كىگىزى قاپتۇ،

 دەستىلەنگەن چوت كەتمەن قاپتۇ،
توپا بېسىپ غېرىپلىق ئ‍اپتۇ ،
چالما تامدا دادام كۆرۈنمەس .

قاراپ باقسام تۇققانلىرىڭ بار ،
دەمەتلىكىڭ تەڭتۈشلۈرۈڭ بار ،
بىللە كەتكەن ئ‍ارزۇلىرىڭ  بار ،
چالما تامدا دادام كۆرۈنمەس .

بالا ئ‍ۈچۈن ياشىغىنىڭ قاپتۇ ،
شۇ ياندۇرغان چىراغىڭ قاپتۇ  ،    
غېرىپ قەبرەڭ نەشپۈتۈڭ قاپتۇ ،
چالما تامدا دادام كۆرۈنمەس.