سۆيۈپ قالساڭ مىنى كىتابسىز سۆيمە

يۈسۈپجان سايرامى   ( زىنھار  )

كىتابسىز ئۆي گۈل يوق باغ كەبى ،
بۇ باغدا قۇشلارمۇ سايرىماس تېخى.
گىياھلار قۇرۇپ گەر ئۈنمەيدۇ بىخى ،
سۆيۈپ قالساڭ مىنى كىتابسىز سۆيمە.

كىتابسىز ئۆي يۇلتۇز كەبى چاقنىماس ،
يۈرەكمۇ ھەر كۈنى خوشال يايرىماس  .
ئەقىللىق بىر ئىنسان بۇنى تاللىماس ،
سۆيۈپ قالساڭ مىنى كىتابسىز سۆيمە .

نىشانسىز يۈرمەيسەن كىتاب ئوقۇساڭ ،
چۈشكۈنلۈك قاپلىماس كىتاب ئوقۇساڭ.
ئۈمۈدۈڭ ياشنايدۇ كىتاب ئوقۇساڭ  ،
سۆيۈپ قالساڭ مىنى كىتابسىز سۆيمە.

كىتاب ئۇقۇساڭ قەلىبكە داۋا ،
نۇرلىنىپ يۈرەكلەر قىلىدۇ ناۋا.
خار قىلغان ۋە لېكىن بەختسىز قالا  ،
سۆيۈپ قالساڭ مىنى كىتابسىز سۆيمە.

كىتاب ئۇقۇغاننىڭ روھى پاكلىنار ،
ۋىسالغا يەتكۈزۈپ غەمدىن قۇتۇلار.
ياخشىلىق ھەمراھدۇر گۇناھتىن ساقلىنار،
سۆيۈپ قالساڭ مىنى كىتابسىز سۆيمە .

كىتابنى سۆيگىن ئاۋال قەلىبلەر كۈلسۇن  ،
كىتابنى سۆيگەن ھەركىم شۇنچە سۆيۈلسۇن.
سۆيۈش ۋە سۆيۈلۈشكە نىسىپ قىلسۇن  ،
سۆيۈپ قالساڭ مىنى كىتابسىز سۆيمە  .

ئازابىڭنىڭ كۆپ بولۇشى دەل بۈگۈن قولۇڭغا كىتابىڭنى ئالمىغانلىقىڭدىندۇر
2016-يىل 12-ئاينىڭ 6-كۈنى  ( كېچە )
##ئاپتۇر ئەمگىكىگە ھۆرمەت قىلىڭ ##