يېتەر

ئابدۇسالام (مۇستاپا)

تۇغۇلۇپ دۇنياغا ياشىدۇق يېتەر،
ئۆمۈرنى ئ‍وتلاردا كۆيدۈردۇق يېتەر،
غەپلەتتە ئۇيقۇدىن نېرى بولالماي ،
ئاغرىنىپ ياشىدۇق دۇنيادىن يېتەر،


ئ‍ەرلىرى سىرتلاردا ئ‍ۇيۇننىڭ ئ‍الدى،
ئ‍ايالى بىسوراق ئ‍ېسىل ياساندى،
ھەق سۆزلەر قۇلاققا خۇش ياقماس بولدى،
ئ‍ۆيلەردە بالىلار تەنھا بەس يېتەر،

ئ‍ىشرەتتىن قول ئ‍ۈزمەس قىران ياشلىرى ،
ھۆرمەتتىن ئەسەر يوق ئ‍ەگمەس باشلىرى ،
چەتنىگەن ھايادىن كوچىدا ئ‍اتار قاشلىرى ،
پەزىلەت شەنىگە داغ يەتتى يېتەر،

بۇ شاللاق ئەخلاقنى سىڭدۈرۈپ ياشاپ،
ئ‍ۇيالماي دۇنيادىن ئاغرىنىپ قاقشاپ ،
تەغدىر دەپ ھاياتنى ئەجەلگە باشلاپ ،
تارتىنماي گۇناھتىن ياشىدىڭ يېتەر،

ئ‍اتا ئانا سەرسان ياشاپ تەلمۈرۈپ،
ئەلەم دەردىدىن باقمىدى كۈلۈپ،
پەرزەنت دەپ ئىشقىڭدا كۆيۈپ ،
يۈرسە بىلمەي خارلىدىڭ يېتەر،