تاقەت قالمىدى

دىلزات ئ‍ابدۇماناپ (ئ‍ەركە )

كۈندە نادان يۈرۈشلەرگە تاقەت قالمىدى ،

شېرىن خىيال سۈرۈشلەرگە تاقەت قالمىدى .

تالاي ۋاقىت باستى غەپلەت تۇمىنى، ئ‍ەمدى ،

 نىشانسىز يول يۈرۈشلەرگە تاقەت قالمىدى .

ئ‍ويۇن دىسە بېرىپ كەلدۇق ھەممىنى يەنە ،

 (ئ‍اق )تىن ھۇزۇر سۈرۈشلەرگە تاقەت قالمىدى .

ساۋاتسىزلىق ئ‍ۇدۇم ئ‍ەمەس بىزدەك مىللەتكە ،

 نادانلىقتا ئ‍ۆتۈشلەرگە تاقەت قالمىدى .

كۈتتۇق كۆككە ئ‍ۇچۇشلارنى،ئ‍ەجىر قىلمىدۇق،

يەنە شۇنداق كۈتۈشلەرگە تاقەت قالمىدى .

خۇددى غىل -پال يېنىپ تۇرغان جىنچىراغ كەبى،

 بېر يېنىپلا ئ‍ۆچۈشلەرگە تاقەت قالمىدى .

غەپلەت دىگەن تېگى يوق چوڭقۇر بىر دېڭىز،

 شۇ دېڭىزغا چۆكۈشلەرگە تاقەت قالمىدى .

 كۆنۈپ كەتتۇق تاغدەك جاپا -جەۋرىگە يەنە ،

 مەسخىرىلىك كۈلۈشلەرگە تاقەت قالمىدى .

 9 ئاشىق -مەشۇق بولۇپ قويۇق ئ‍ىسنىڭ ئ‍ىچىدە ،

 تاماكىنى سۆيۈشلەرگە تاقەت قالمىدى . 10

 ساۋاتسىز بىز !ھەق گەپنى يازغىن قەلىمىم ،

 چۈنكى، تىرىك ئ‍ۆلۈشلەرگە تاقەت قالمىدى .

 2015.12.14