بىز نە ئايرىلىشلار كۆرمىگەن دەيسەن

ئىلزات

كەتمەكچى بولساڭ كېتىۋەر قېنى،

 بىز نە ئايرىلىشلار كۆرمىگەن دەيسەن.

 تارتىنما سەنمۇ سېتىۋەت مېنى،

 بىز نە خىيانەتلەر كۆرمىگەن دەيسەن.

 قارىما مېنىڭ يالغۇزلىقىمغا،

قارىما مېنىڭ كۆز ياشلىرىمغا.

قارىما سەندىكى پارچىلىرىمغا.

بىز نە كاج تەغدىر كۆرمىگەن دەيسەن.

سۆيسەڭ كەتمەيتتىڭ سۆيگەن تاشلىماس،

سۆيسەڭ تەلۋىلىشەتتىڭ سۆيگەن نېمە قىلماس.

كەت بۇ ئاتەش مېنى كۈل قىلماس، ياقماس.

 بىز نە جەھەننەملەر كۆرمىگەن دەيسەن.

 تېز بول تېخىمۇ چاپسان، تېخىمۇ ئالدىرا،

 يۈگۈر باشقا قوللارغا يۈگۈر خوش ساڭا.

 سەنمۇ ئۇنتۇيسەن ئىسمىمنى ھەتتا،

بىز نە ۋاپاسىزلار كۆرمىگەن دەيسەن.

 ئوخشاش بىر ھېكايە، ئوخشاش بىر مىسال،

 كەت سەن بۇ ناخشىنى باشقا يەردە چال.

 ئېلىپ كەت يېنىمدىن سايەڭنىمۇ ئال،

بىز نە يالغۇزلۇقلار كۆرمىگەن دەيسەن.