ئۈچ قىز
مەرۋايىت
باراڭ تۈۋى تۇرار ئۈچ لالە،
ئاھۇ كۆزلۈك گۈزەل جانانە .
نىگاھلىرى تاشلانسا كۆزگە ،
ئاشىق قىلار دىلنى ھامانە.
كىيىك كۆزلەر چاقنار نۇرانە،
كىرپىك ئارا قىلىپ جەۋلانە.
نى ئەزىمەت بولغاندۇ بەلكىم،
ئىختىيارسىز ، بىھوش، مەستانە.
بىرى رەيھان بىرى گۈل لالە،
بىرى چولپان نامى سۇلتانە.
روماللىرى تاشلىنىپ ھەريان،
سۇمبۇللىرى تۇرار ئازادە.
كۆزلىرىنى ئۈزمەي بىر مەررە،
رەيھان نەزەر تاشلار پىغانە.
قالغاندەك ئۇ يايرىدىن يىراق،
نە نەلەردە يالغۇز يىگانە.
ئاڭا غەمخان بولۇپ زىلالە،
تەسەللىيگە ئۈلگۈردى ئەنە.
كۆزلىرىدىن ياغىدۇ مېھىر،
سۈكۈتلىرى گۆھەر، دۇردانە.
رۇخسارى گۈل ، مەردۇ-مەردانە،
بۇ قىزلارغا ھەممە ھەيرانە.
ئەخلاق بابىدا غۇنچىدۇر ئۆزى،
ئۈزۈلمىگەن ئۇندىن خەندانە.
89 قېتىم كۆرۈلدى | MarwayiT | ئەسەر يوللىغۇچى : | |
2016-2-25 18:19:57 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|