جۇدالىق 

ئ‍ىمىنجان ئ‍ابدۇرىھىم

   تولغىنىدۇ تىنىم بىر ئ‍وتتا،
كۈۋەجەيدۇ كۆكسۈمدە بىر چوغ·
شۈركىنىدۇ يۈرۈكۈم پات- پات،
زىمىستاندا ئ‍ىچكەن كەبىي دوغ·

چىڭقىلىدۇ كاللام  چاراسلاپ ،
يۇلغۇن ئ‍وتى كۆيىۋاتقاندەك ·
تۈن كېچىدە ئەزرائىل كېلىپ ،
ماڭا قاراپ كۈلىۋاتقاندەك·

چۈشلىرىمدە جۇدالىق دەشتى،
ئ‍وڭۇمدا ھەم ھېجران تەشۋىشى ·
خاتىرەمگە پۈتۈلگەن تامام،
بەخىتسىزنىڭ ئ‍اچچىق كەچمىشى،

مەن بىر گۈلنى ئ‍ىزدەپ يۈرۈمەن،
خۇش ھېدىنى باغلاردىمۇ دەپ·
ئ‍ۇمۇ مېنى ئ‍زدەيدىغاندۇ؟
گىياھ ئ‍ۈنمەس تاغلاردىمۇ دەپ·