رۇبائىلار

 قادىر ئەمەت 

1

 بەزىلەر پۇل-ئابرۇي ئەمەلگە خۇمار،
مەن ئاستىم ئىشرەتتىن بوينۇمغا تۇمار.
ئۇتتۇردۇم ئۇتىۋېلىش بولمىدى پەقەت،
سەتەڭلەر كانىدا ئوينىسام قىمار.
2
بولدى گۈزەللەر كۆڭلۈمنىڭ يازى.
جان ئالدى، جاڭگالدا قويدى،ھەرنازى.
چىن سۆيگۈ كۈيىگە چالسام زوق بىلەن،
پەدىسىز دۇتاردەك كۈي بەردى سازى.

3
پۇل بىلە ئىرشسەم گۈل-گۈل بەدەنگە،
نە سۆيگۈ-ساداقەت بەرمىدى مەنگە.
قۇزغۇندەك قاخشالغا قونۇپ يۈرۇيمەن.
شۇ بولغاچ مۇھەببەت -كۆڭۈلگە،تەنگە.
4
ئۈلپىتىم ھەمىشە نازىن گۈزەللەر،
ئۆتكۈزدۈم ياشلىقنى تۆلەپ بەدەللەر.
نىھايەت، كۈتكۈنىم يەتكىنىم-نىمە؟!
بۇ سۆيگۈ بېغىمدا گۈلسىز تىكەنلەر.
5
بەزىلەر تۈگەشتى  ئىچىشىپ ھاراق.
بەزىلەر تۈگەشتى كۈندە چىكىپ ئاق.
مەنمۇ ھەم تۈگەشتىم كەيىپسىز ياشاپ،
كۆڭۈلنىڭ مەلىگە دىمىگەچكە ،ياق!
6
ياخشىلىق،يامانلىق قارا بىلەن ئاق،
ئىنساننىڭ تاللىشى ماقۇل بىلەن ياق.
دۇنيادىن غەلبىسىز كىتەركەن ئىنسان،
ھەر كەتكەن خاتادىن ئالمىسا ساۋاق!

 چ چ2076871407