خىياللىرىم
مەمەتجان باش كارۋان

ئەگەشكەن خىياللىرىم شاماللارغا،
سۆيۈپ ئۆتەر ھەر نەپەستە سېنىلا.
بىلدىڭمۇ جانان لىڭشىيدۇ دەرەخلەر،
بېرىپ ئۇندىن ئالدىن بېشارەت ساڭىلا.

خىياللىرىم كېچەر دەريا داۋانلاردىن،
يېتەر قاچانمۇ شۇ ۋىسالى جەمگاھقا؟
قېتىپ قويدۇم يادنامەمنى خىياللارغا،
سىڭىپ كەتتى  ھەم سەلكىن شاماللارغا.

ئىزلەيمەن خىياللىرىمدىن سادانى،
يۈرەك مەمنۇن، سۆيۈنگەن جاۋابلارنى.
ئېيتقىنا قاياقلاردىن كېلۇر كۈيىڭ؟
ئاڭلارمەن قاچان چىن سۆز بايانلارنى؟