ھايات سىنىقى

تۇرانسا يولۋاس

كېلىدىكەن ئىنسان دۇنياغا،
كېتىشىنى بىلمەسكەن ئەسلا.
ياشايدىكەن ئارزۇ-ئۈمىدتە،
ئىستەكلەرگە تۇغۇلغاچقىلا.

بۇ ھاياتنىڭ كۆپكەن قىسمىتى،
كېلىدىكەن قەدەمدە باشقا.
كۆنىدىكەن ئىنسان ھەممىگە،
چىدام -غەيرەت ،بەزەن كۆزياشقا.

ئۈمىد بىلەن باقاركەن ئىنسان،
سۆيگۈ-نەپرەت تولغان دۇنياغا.
قىيالماستىن كېتەركەن بىر كۈن،
ئىچ-ئىچىدىن تويماي ھاياتقا.

پوسكام
2017-3-21

تەھرىرى:مۇھەممەدتوختى سەببەت 

مۇھەررىر:ئابدۇقەييۇمجان ئابدۇسادىرى