كۆڭۈلگە خىتاپ 

 نۇرمۇھەممەت مۇسا

 بولدى قىل ئەي كۆڭۈل دىلىڭ يورىماس ،
نادانغا ئەقىدە قىپ يېشىڭ قۇرىماس .
دانالار ھېكمىتى شۇ ئۇنۇتما ھەرگىز ،
«ئىتنىڭ كاللىسى -ئۇ ،تەخسىدە تۇرماس ».

بولدى قىل ئەي كۆڭۈل قولۇم بارمايدۇ ،
بوينىدىن باغلىغان ئىت ئوۋغا يارىمايدۇ .
قان بىلەن كىرگەن خۇي جان بىلەن چىقار ،
مىڭ ئەقىدە قىلساڭمۇ ھامان خارلايدۇ .

بولدى قىل ئەي كۆڭۈل ئەمدى بولدى -بەس ،
چىدىماس بۇ يۈرەك بولسا كۈندە غەش .
قاچىسى سەبىرنىڭ يەتسە چېكىگە ،
تاياقنى تاشقا تاڭماق بەسى تەس .