ئاي بىلەن سۆھبەت
مېھىرنىسا قۇربان
تۇمان ئىچىرە كۆكتە ئۈزەر تۇلۇنئاي،
دەرېزەمدىن خىرە چۈشەر نۇرلىرى،
مەن قارىدىم ئايغا شۇدەم ئوي بىلەن،
بارمىدۇ دەپ ئاينىڭ مەندەك دەرتلىرى.
زۇۋان كىرىپ ئايغا شۇ چاغ تۇيۇقسىز،
دىدى ئېيتقىن سەن نىمانچە خىيالچان؟
دىدىم مەنمۇ ئايدىن سىرىم يۇشۇرماي،
دەرت ئەلەمسىز ئۆتەلمىدىم ھىچقاچان.
شۇ دەقىقە كۆز ياشلىرىم تۆكۈلدى،
ئايغا ئېيتتىم ئىچىمدىكى دەردىمنى.
جىمجىت بولۇپ كەتتى ئايمۇ سۈكۈتتە،
چۈشەندى دەپ بىلدىم مىسكىن كۆڭلۈمنى.
شۇنىڭ بىلەن ئايمۇ ھايال ئۆتمەيلا،
بەردى ماڭا روھى ئوزۇق تەسەللى.
ئاڭلاپ مەنمۇ قالدىم خىلى يەڭگىللەپ،
ئايمۇ ماڭدى ئۆز جايىغا پاتقىلى.
دىدى ماڭا ئاي پېتىشنىڭ ئالدىدا،
ئەگمە ھەرگىز دەرت ئەلەمگە بېشىڭنى،
ئاھ ئۇرمىغىن نامەردلەرگە بىھۇدە،
يىغلاپ يۈرمە تۆكۈپ ئۈنچە يېشىڭنى.
كۈنلەر ئۇزۇن بىلىپ يەتكىن ئۇنۇتما،
ئۈمىدلىك بول بەخت تېخى ئالدىڭدا.
ئىشەنگىن سەن بۇ سۆزلىرىم ھەقىقەت،
بۇ گەپلىرىم تۇرسۇن دائىم يادىڭدا.
2016-10-12 غۇلجا شەھىرى
58 قېتىم كۆرۈلدى | 2550325358 | ئەسەر يوللىغۇچى : | |
2016-10-13 16:05:00 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|