ئ‍ايسىز كېچە

گۈلپىيە ھادى (لەيلى)

يامغۇر ياغقان تۆنۆگۈن ئ‍اخشام،
ئ‍ېھ ،،مەن كەبى تۈكۈلۈپ سىم-سىم .
ئ‍ايسىز كېچە دېرىزەم چكىپ ،
سەنسىزلىككە تامدى مىڭ قېتىم.

سېغىنىشنى قۇيۇپ بېشىمغا ،
زارىقىشنى ياتتىم يېپىنىپ .
سائەت مۈگدەپ قالدى چىكىلداپ ،
بىدار تۈنگە  مەيۇس  ئ‍ېچىنىپ.

سۆزلەپ بەردىم ئ‍ۆزەمنى بەزلەپ ،
شەھرىزاتتەك ئ‍ۇزۇن چۆچەكنى .
ياغاچ ئ‍اتقا مىنگەن خىيالىم ،
لىق تولدۇردى چوغقا ئ‍ېتەكنى .

قېتىپ قالدى  بۇ ئ‍ۈزۇن كېچە ،
ئ‍ويغاق نىگاھ قارچۇقلىرىدا .
تەلپۈنۈشلەر قالدى تىپىرلاپ ،
تەشنا چۈشلەر  قۇچاقلىرىدا .

    ئ‍اۋات