بالىلىقىمدا (چاچما شېئىر)
مۇھەممەد ئەركىن چىن يار
بالىلىقمدا ،
تولىمۇ كەپسىز ئىدىم ،
ئاسمانغا تاش ئاتاتىم ،
دادام ياساپ بەرگەن رەگەتكە بىلەن .
يۇلتۇزلارنى ئېتىپ چۈشۈرمەك بولۇپ ،
دەرەخلەرگە يامىشاتىم .
مايمۇنلارنى دوراپ ،
شاختىن شاخقا ئاتلاپ .
قۇش چاڭگىسنى بۇزاتىم ،
كېچە ئاي تولغاندا ،
مەن كېچىگە غەرىق بولغاندا .
سىيىپ قوياتىم چۈشۈمگە ئاستا،
شۇ سەۋەپتىن ئېغى ئوچۇق ئىشتان كىيەتىم .
ئۆزمدىن پەخىرلىنىپ ،
ئانام مېنى تورۇستا ماڭىسەن دەيتى ،
كىيىملىرىم پاكىز تۇرمايتى .
لاي ئويناشقا ئامراق ئىدىم ،
لايدىن ئۆزۈمنى ياساپ ئوينايتىم ،
لاي رەڭگىگە سىڭىپ كەتكەن تېرەمگە قاراپ ،
بىر ئوخشاشلىقنى سېزەتىم .
ھازىرچۇ ؟
پەقەت ئەسلىمە بوپ قالدى ،
ئېغى ئوچۇق ئىشتان .
ۋە كىچىك چاغدىكى مەن ....
34 قېتىم كۆرۈلدى | مۇھەممەد ئەركىن چىن يار | ئەسەر يوللىغۇچى : | |
2016-12-30 2:42:05 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|