ئاياللار 

نىگارەم رەھمىتۇللام

تەقدىرنىڭ ئالدىدا ئاجىز ناتىۋان ،
لىكىن ھاياتتا ئۆتەر شادىمان .
تۇرمۇشنىڭ جاپاسى ئالدىدا ھامان،
جان تىكىپ يۈرەركەن قەيسەر ئاياللار

ئەزىزلەر ئەرلەرنى ئىلاھى بىلىپ ،
پەرزەنتلەر قەلبىگە مىھىرلەر سىلىپ .
جەننەت دەپ بىلگەچكە ئائىلىسىنى ،
گۈل قىلىپ ياسايدۇ بىلگىن ئاياللار .

مال-دۇنيا ئالدىدا قىزارماس كۆزى ،
شۇڭا ئۆتىدۇ ھەمىشە سۆزى .
ئاتىنىڭ مۇڭدىشى ، ئەقىلدىشىدۇر ،
ئۆيىڭگە بىزەكتۇر ، گۈلدۇر ئاياللار .