بىلەن - غەزەل

ئەمەرجان ماخسۇت شاھتۈرك

بىرقەدەھ سۇنغىن شارابتىن مەس بۇلاي ھەسرەت بىلەن،

ئاھ يۈرەك قانسۇن، چىلاشسۇن كەتمىسۇن مىڭ دەرت بىلەن.

 تەقدىرىمدىن كۈتمىگەن ھەردەم ئازابتىن كەلمىشىم،

 كەلگۈسۈم پارلار دېسەم ھەم يازمىغىن مىڭ خەت بىلەن.

 يوللىرىم مىڭبىر مۇشەققەت ئىزلىرىمدىن قان ئاقار،

ماڭىمەن دەسسەپ تىكەن تەس جۈپ قەدەملار چەت بىلەن.

 كەتمىنىم ئۆتمەس ئېڭىزدىن چاپقىنىمدىن بەك كۈچەپ،

ھارغىنىم راستۇر بىراق ئۆتمۈش مېسال سۈرئەت بىلەن.

كۈتكىنىم كەلمەس ئەجەپ ھەي تاڭنى كۆرمەي ئۆتتى كۈن،

 يوقلىدىڭ زۇلمەت كېچەڭدە قالدى ئارمان رەت بىلەن.

 مەنزىلىم ھەردەم جاپالىق بىر قەدەمدە ئون تۇساق،

دەريا تاغلاردىن ئۆتۈپ شاش ئاتلىنىاي جۈرئەت بىلەن.

 ئەي ئەمەرجان، بەلنى باغلاپ قايتا ئاتلان روھلىنىپ،

غەلبە قىل جۇشقۇن بولۇپ، ئالغا باس غەيرەت بىلەن.

 2016/2/24كېچە يۇرتى قاراقاش