يوقسۇزلۇق
)ئېلىجان ئابدۇكېرىم (
دوستنى دوستتىن چاندۇردىغۇ يوقسۇزلۇق ،
ئەلنى ئەلدىن تاندۇردىغۇ يوقسۇزلۇق .
كۈلپەت تارتساق بوينىمىزدىن باغلاپ ئۇ،
ئۆز كۆڭلىنى قاندۇردىغۇ يوقسۇزلۇق .
تاندۇردىغۇ تۇغقانلارنى تۇغقاندىن،
ئازدۇردىغۇ توغرا يولنى تۇتقاندىن،
ئەل غېمىدە ياخشى يولنى تۇتقاندىن،
شەيتان كەبى ئازدۇردىغۇ يوقسۇزلۇق .
ئازاپ چەكتۇق گاھ زار بولۇپ بىر نانغا،
ئوخشاپ قالدۇق ئىنسان تۇرۇپ شەيتانغا،
يۈز كېلەلمەي قالدۇق بۈگۈن ۋىجدانغا،
يىلان كەبى چاقتۇردىغۇ يوقسۇزلۇق .
يېتەلمىدۇق پۇل تۈپەيلى ئارمانغا،
پۇل كەتتىغۇ چوڭراق تىنىپ قويغانغا،
ئازراق ئىشقا ھاجەتمەن بولۇپ قالغاندا،
كۈنلەر بويى ماڭدۇردىغۇ يوقسۇزلۇق .
باينى ئېغىزلاندۇرغىنى پۇلمىدۇ،
ماڭىمۇ ھەم تىل چىقارغان پۇلمىدۇ،
پۇلى يوقلار تەشۋىشلەرگە قۇلمىدۇ،
ئەجەپ كۈنگە قالدۇردىغۇ يوقسۇزلۇق .
ئۈندىدار 2318334127
56 قېتىم كۆرۈلدى | dlkax | ئەسەر يوللىغۇچى : | |
2016-11-5 0:03:54 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|